वुधबार विहान लण्डनबाट चलचित्र ‘वीर विक्रम’ को प्रमोशनका लागि नेपाल आएकी दीया पुनलाई उपराष्ट्रपति नन्दबहादुर पुनले बधाई तथा शुभकामना दिएका छन्। विहीबार दिउँसो उपराष्ट्रपतिको कार्यालय, कान्तिपथमा भेटन् पुगेकी नायिका पुनलाई उपराष्ट्रपतिले चलचित्र ‘वीर विक्रम’का लागि अग्रिम बधाई तथा शुभकामना दिएका हुन् । निर्देशक मिलन चाम्स, नायिका दीया पुन र विदेश वितरण प्रमुख एवं ग्रिष्मा इन्टरटेनमेन्टका प्रमुख गृहेन्द्र घिमिरेसँगको विशेष भेटमा उपराष्ट्रपति पुनले चलचित्र ‘वीरविक्रम’को प्रिमियर शोमा सहभागीता जनाउने प्रतिवद्धता पनि व्यक्त गरेका छन् । उनले भने, ‘नेपाली चलचित्र वीरविक्रम राम्रो भएको मैले विश्वास लिएको छु। यसको प्रिमियर शोमा मेरो उपस्थिति हुने प्रतिवद्धता व्यक्त गर्न चाहन्छु।’ दयाहाङ राई, अनुप विक्रम शाही, अर्पण थापा, नाजिर हुसेन र दीया पुन अभिनित चलचित्र वीर विक्रममा कमेडी, प्रेम, विछोडको कथा समेटिएको छ ।