कस्ती देखिइन् ‘रोमियो’ विनयकी ‘मुना’ बन्दा श्रृष्टी ? (तश्वीरमा हेर्नूस्)

 पहिलो पटक अनमोल केसी स्टारर मूभी ‘गाजलु’ मा मुख्य भूमिका निर्वाह गरेपछि एकाएक चर्चामा आएकी पूर्व मिस नेपाल श्रृष्टी श्रेष्ठ अहिले दोस्रो चलचित्र ‘रोमियो एण्ड मुना’ को छायाँकनमा व्यस्त छिन् । गाजलु रिलिजको झण्डै ६ महिनापछि दोस्रो चलचित्र ‘रोमियो एण्ड मुना’ मा काम गरेकी श्रृष्टीको जोडी यो चलचित्रमा विनय श्रेष्ठसँग बाँधिएको छ । अनमोल केसी स्टारर मूभी ‘कृ’ सँग अर्को बर्षको भदौ ९ गतेबाट हलमा लाग्न लागेको यो चलचित्रमा श्रृष्टीले ‘मुना’ को भूमिका निर्वाह गरेकी छिन् भने विनयले ‘रोमियो’ को । चलचित्रको पूरा कथा नै विनय र श्रृष्टीको प्रेममा घुमेको छ ।
हालैमा चलचित्रका नायक तथा निर्माता विनय श्रेष्ठले चलचित्र ‘रोमियो एण्ड मुना’ को सेटबाट आफ्नो र श्रृष्टीको केही तश्वीरहरु फेसबुकमा शेयर गरेका छन् । तश्वीरमा हेर्दा लाग्छ चलचित्र ‘रोमियो एण्ड मुना’ मा विनय र श्रष्टी एक गाउँका रोमियो र मुना हुन किनकी उनीहरुको ड्रेसअप र हाउभाउले यस्तै भन्छ । त्यस्तै, श्रृष्टीले पनि आफ्नो फेसबुक र इन्स्टाग्राममा एक तश्वीर शेयर गरेकी छिन्, जुन तश्वीर ‘रोमियो एण्ड मुना’ को सेटमा खिचिएको हो । उक्त तश्वीरमा उनी साधारण एक गाउँले यूवतीको भेषमा देख्न सकिन्छ । यो चलचित्रलाई नरेशकुमार केसीले निर्देशन गरिरहेका छन् ।