‘डान्स प्लस सिजन–२’ जित्न सुशान्तले मागे भोट

अहिले भारतीय च्यानल स्टार प्लसबाट प्रशारण हुँदै आइरहेको नृत्यमा आधारित रियालिटी शो ‘डान्स प्लस सिजन–२’ मा कपन, काठमाडौंका सुशान्त खत्रीले एकपछि अर्को गर्दै खतरनाक डान्स स्टेप प्रस्तुत गरिरहेका छन् । अहिले निर्णायकहरु पनि उनले उपाधी जित्ने भन्दै हौसला बढाइरहेका छन् । प्रतियोगीताका मुख्य निर्णायक तथा प्रख्यात कोरियोग्राफर रेमोले समेत सुशान्तलाई ‘डान्स प्लस सिजन–२’ को दावेदारको रुपमा हेरेका छन् । २० बर्षका सुशान्तले अहिले जसरी उक्त प्रतियोगीतामा आफ्नो नृत्य प्रस्तुत गरिरहेका छन्, त्यसले दर्शकलाई मात्र होइन निर्णायकहरुलाई पनि अचम्ममा पारिरहेको छ । ‘डान्स प्लस सिजन–२’ को ‘टप ८’ मा परिसकेका सुशान्तलाई अब भने भोटको आबश्यक पर्ने भएको छ । उनले आफ्नो आधिकारीक फेसबुकमा एक स्टाटस पोष्ट गर्दै सबैसँग भोट मागेका छन् ।

यस्तो छ उनले आफ्नो फेसबुकमा लेखेको स्टाटस :
‘मेरो परिश्रमको मुल्य मैले पाइरहेको छु । म मेरो सपनाको नजिक पुग्दैछु । म टप ८ भित्र आइपुगेको हुनाले मलाई सहयोग गर्नुहुने सबैलाई धन्यवाद दिन चाहन्छु । तर विडम्बना मलाई अन्तर्राष्ट्रिय भोटहरु कुनै पनि प्राप्त भएको छैन । मलाई अझ धेरै माया र सहयोगको खाँचो छ । तर इण्डियाबाट पनि सोही अनुसारको भोटको अपेक्षा गर्दछु । मलाई लाग्छ मेरो भावना यहाँहरुले बुझ्नु भयो र म यो बाचा गर्छु कि म मेरो आफ्नो परिक्षामा खरो उत्रिनेछु र यहाँहरुलाई भरपुर मनोरञ्जन प्रदान गर्नेछु । त्यसैले यहाँहरुको माया र सहयोग प्रदान गरिदिनका लागि १८००८३३३३५३ मा मिसकल गर्न सक्नुहुनेछ । मलाई विश्वास छ तपाईहरुले मेरो प्रस्तुती मन पराइरहनु भएको छ । र यो आइतबार साँझ ८ बजे मेरो प्रस्तुती हेर्न नर्विसनु होला । मलाई भोट गर्नका लागि भोटिंग लाइन साँझ ८ बजेदेखी १० बजेसम्म खुल्ला रहनेछ ।’