जब अवार्ड लिन गएनन् ‘पशुपतिप्रसाद’ का निर्देशक…

दुबईमा भएको ‘नवौं नेफ्टा अवार्ड’ मा सहभागी नहुने कलाकारहरुको नाम भजाएर टिकट बेचेको खबरले नेपाली सिनेवृत सेलाइनसकेको अबस्थामा फेरी नेफ्टाको अर्को मनोमानीको घट्नाले तहल्का मच्चाएको छ । शुक्रबार साँझ दुबईमा भएको नवौं नेफ्टा अवार्डमा गएको बर्ष प्रदर्शनमा आएको चलचित्र ‘वडा नं. ६’ बाट सर्वोत्कृष्ट निर्देशकको अवार्ड उज्वल घिमिरेलाई प्रदान गरियो । जबकी यो बर्ष अन्य अवार्डमा चलचित्र वडा नं. ६ ले न निर्देशकले अवार्ड पाएको छ न त अन्य कुनै पनि महत्वपूर्ण विधामा नै । यसै कारण सर्वोत्कृष्ट चलचित्रको अवार्ड पाएको ‘पशुपतिप्रसाद’ का निर्देशक दीपेन्द्र के. खनाल अवार्ड थाप्न स्टेज गएनन् ।                                                                        फाइल फोटो
अवार्ड कार्यक्रममै रहेका दीपेन्द्र आफ्नो चलचित्रले पाएको अवार्ड लिन स्टेज नचढेपछि हास्यकलाकार दीपकराज गिरीले उनको अवार्ड थाप्न स्टेज उक्लिएका थिए । ‘किन चढेनन् त दीपेन्द्र अवार्ड थाप्न स्टेज ?’ दीपेन्द्र स्टेज नजानुको कारण सर्वोत्कृष्ट निर्देशकको अवार्ड नपाएपछि उनलाई सर्वोत्कृष्ट चलचित्रको अवार्ड थाप्नु गलत हो भन्ने लाग्यो । र, यो सही पनि हो किनकी सर्वोकृष्ट निर्देशकको अवार्ड नपाएपछि उत्कृष्ट चलचित्रको अवार्ड थाप्नु लज्जित हुनु भन्दा कम हुन्न । सायद दीपेन्द्रले पनि यही सोचे र ‘पशुपतिप्रसाद’ले पाएको सर्वोत्कृष्ट चलचित्रको अवार्ड थाप्न स्टेज चढेनन् ।
यतिसम्मकी उनले यसैबर्ष आयोजना भएको ‘राष्ट्रिय चलचित्र पुरस्कार’ समेत जितेका थिए । यो जुरीको निर्णय हो वा नेफ्टा आयोजक समितिको त्यो भने चाँडै थाहा हुने नै छ । यसबाटै थाहा हुन्छ कि यस बर्षको नवौं नेफ्टा अवार्ड मनोमानी ढंगबाट वितरण गरिएको छ ।