‘रेडियो डिज्नी म्यूजिक अवार्डस’ को नोमिनेशनमा जस्टिन नै जस्टिन

यूवापुस्ताका दर्शक, स्रोताहरुमा आफ्ना गीतहरुबाट जादू चलाउने क्यानडाका चर्चित पप गायक जस्टिन बीबर २०१७ रेडियो डिज्नी म्यूजिक अवार्डसका लागि यस बर्षको नामांकनमा छाएका छन् ।
बिलबोर्डको रिपोर्टका अनुसार, ‘सरी’ का गायकलाई सर्वश्रेष्ठ पुरुष कलाकार, सर्वाधिक फ्यान भएका गायक, सर्वश्रेष्ठ क्रश गीत, बेस्ट डान्स ट्र्याक, बेस्ट ब्रेकअप गीत र मन पर्ने टूर समेत पुरस्कारको ६ श्रेणिमा नामांकन गरिएको छ ।
मेगान ट्रेनर र सेलीना गोमेजलाई पाँच-पाँच नामांकन मिलेको छ, जबकी म्यूजिकल ग्रुप डीएनसीई र केलसिया बलेरिनीको चार-चार श्रेणीमा नामांकन गरिएको छ । यो पुरस्कार समारोह २९ अप्रिलको लस एन्जिलिसमा माइक्रोसफ्ट थिएटरमा आयोजना हुनेछ ।