रिपोर्ट भन्छ, ‘ऐश्वर्याले गरेकी थिइन आत्महत्याको प्रयास’

यो सुन्दा सायद तपाईहरुलाई पत्यार नलाग्न सक्छ तर हालैमा एक भारतीय मिडियाले सार्वजनिक गरेको रिपोर्टका अनुसार, बलीउड अभिनेत्री ऐश्वर्या राय बच्चनले आत्महत्या गर्ने प्रयास गरेकी थिइन । पाल्र्हो अनलाइन मिडियाका अनुसार, करन जोहरको फिल्म ‘ऐ दिल हे मुस्किल’ मा दिएको बोल्ड सिनका कारण बच्चन परिवार र ऐश्वर्याको सम्बन्ध निकै बिग्रिएको थियो । फिल्म रिलिज हुनुपुर्व पनि ऐश्वर्यालाई लिएर विभिन्न कन्ट्रोभर्सीहरु बाहिर आएका थिए ।
मिडिया रिपोर्टका अनुसार, ऐश्वर्या राय र जया बच्चनबीच फिल्ममा दिएका सिनहरु तथा फोटोसुटलाई लिएर ठूलै विवाद परेको थियो । यस विषयलाई लिएर जयाले छोरा अभिषेक बच्चनलाई पनि गाली गर्ने काम गरेकी थिइन् । केही मिडिया रिपोर्टका अनुसार परिवारमा बढ्दो विवाद र असझदारीबाट वाक्क भएकी ऐश्वर्याले आत्महत्या गर्ने प्रयास गरेकी थिइन् । उनी हस्पिटल समेत भर्ना भएको रिपोर्टमा उल्लेख छ । केही रिपोर्टका अनुसार जब रणविर सिंहसँग बोल्ड फोटोसुट गरिन् तबदेखि नै परिवारमा विवाद चुलिएको थियो । एक अन्तर्वार्तामा जयाले ऐश्वर्यालाई निशानामा राख्दै ‘लाज भन्ने चीज पनि केही हुन्छ’ भनेकी थिइन् । फिल्म ‘ऐ दिल हे मुस्किल’ ले बक्स अफिसमा सानदार कमाइ गरेको थियो ।