मृत्युको बेला गर्भवती थिइन् ‘सूर्यवंशम’ की यी अभिनेत्री

सन् १९९९ मा रिलिज भएको बलीउड फिल्म ‘सूर्यवंशम’ लाई दर्शकहरुले रुचाएपनि बक्सअफिसमा भने कमाल गरेन तर यो फिल्म अहिलेपनि सबैभन्दा चर्चित फिल्म मध्येको एक हो । एक मूभी च्यानलमा हरेक दुई तीन दिनमा यो फिल्म देख्न सकिन्छ । फिल्ममा अमिताभ बच्चनको अपोजिट साउथ इण्डियन फिल्मकी एक्ट्रेस सौन्दर्या रघु देखिएकी थिइन् । फिल्म रिलिजको ५ बर्षपछि सौन्दर्याको मृत्यु भएको थियो । जब उनको मृत्यु भएको थियो, तब उनी गर्भवती थिइन् । तर, परिवारले उनको डेड बड्डी पनि पाएनन् ।
कुरा १७ अप्रिल २००४ को हो । सौन्दर्या भारतीय जनता पार्टी र तेलुगु देशम पार्टीका उम्मेदवारको चुनाव प्रचारका लागि करीमनगर गईरहेकी थिइन् । विहान ११ : ०५ बजे यो फोर सीटर प्राइभेट एयरक्राफ्टले बेन्गलुरुको जक्कुर एयरफील्डबाट उडान भर्यो र करिब १०० फिट माथी जाँदै गर्दा क्र्यास भयो । एयरक्राफ्टमा सौन्दर्याको अलवा उनका भाई अमरनाथ, हिंदू जागरण समितिका सेक्रेटरी रमेश कदम र पायलट जोय फिलिप सहभागी थिए । भार जनाकै मृत्यु प्लेन क्र्यासका कारण भएको थियो ।
मृत्युभन्दा केही महिना अगाडी नै सौन्दर्याले भाजपा ज्वाइन गरेकी थिइन् । जतिबेला सौन्दर्याको मृत्यु भएको थियो, त्यसबेला उनको उमेर ३१ बर्षको थियो । सौन्दर्याको वास्तविक नाम सौम्या सत्यनारायण थियो । उनको जन्म १८ जुलाई, १९७२ मा कर्नाटकको कोलारमा इन्डस्ट्रियलिस्ट र कन्नड़ फिल्मका राइटर के. एस. नारायणको घरमा भएको हो । मृत्युभन्दा करिब एक बर्ष अगाडी २००३ मा सौन्दर्याले सफ्टवेयर इन्जिनियर जी.एस. रघुसँग विवाह गरेकी थिइन् । रिपोर्ट्सका अनुसार, २०१० मा जी.एस. रघुले अर्पिता नामकी यूवतीसँग दोस्रो विवाह गरेका छन् ।