‘एलजी फिल्म अवार्ड’ मा नम्रता र दयाहाङ उत्कृष्ट (सूचि सहित)

सिनेमा सर्कल नेपालले आयोजना गरेको ‘एलजी फिल्म अवार्ड’ वुधबार आर्मी अफिसर क्लबमा सम्पन्न भएको छ । उपराष्ट्रपति नन्द बहादुर पुनको प्रमुख आतिथ्यता र बलीउड अभिनेता शत्रुघन सिन्हाको विशेष उपस्थितीमा आयोजना भएको एलजी फिल्म अवार्ड २१ विधामा वितरण गरिएको छ । एलजी फिल्म अवार्डमा नायिका नम्रता श्रेष्ठले ‘क्लासिक’ बाट उत्कृष्ट अभिनेत्रीको अवार्ड हात पार्दा उत्कृष्ट नायकको अवार्ड भने ‘कबड्डी कबड्डी’ बाट दयाहाङ राईले पाएका छन् । उध्द्धव राज भट्टराई (जुँगे भट्टराई) लाई ५१ हजार नगद राशीसहित आइफ टाइम अचिभमेन्ट प्रदान गरिएको अवार्डमा चलचित्र ‘प्रेम गीत’ ले ४ विधामा अवार्ड पाउँदा ‘क्लासिक’ ले ३, ‘भैरव’ ले ३ र वडा नम्बर ६ ले २ विधामा अवार्ड हात पारेको छन् । त्यस्तै उत्कृष्ट फिल्मको अवार्ड ‘पशुपति प्रसाद’ को पोल्टोमा पर्दा उत्कृष्ट निर्देशकको अवार्ड पनि ‘पशुपति प्रसाद’ बाटै निर्देशक दिपेन्द्र के. खनालले हात पारेका छन् । अवार्ड कार्यक्रममा अभिनेत्री करिश्मा मानन्धरलाई ‘डिकेड अफ द् इयर’ बाट सम्मानित गरिएको थियो ।