सकियो ‘घामपानी’, दयाहाङको जन्मदिनमा हुनेछ रिलिज

२०७४ बैशाख १ गते नायक दयाहाङ राईको जन्मदिनलाई लक्षित गर्दै देशव्यापी प्रदर्शनामा आउने तरखरमा रहेको चलचित्र ‘घामपानी’को सम्पूर्ण छायाँकन सकिएको छ । चलचित्रका निर्देशक दीपेन्द्र लामाले चलचित्र ‘घामपानी’ को छायाँकन २७ औं दिनमा सकिएको जानकारी दिए । उनका अनुसार चलचित्रको छायाँकन सिन्धुली लगायतका ठाउँमा गरिएको छ । ‘घामपानी’ मा दयाहाङ राई, केकी अधिकारी, अंकित खड्का, सिल्सा जिरेल, पुष्कर गुरुङ, प्रकाश घिमिरे, बुद्धि तामाङ, अरुणा कार्की, कविता आले, मणिराम पोखेरल, अमोघ पोखरेल, लक्ष्मी बर्देवा, केशव राई प्रेमवर्षा खड्कालगायतको अभिनय रहेको छ। चलचित्रका कार्यकारी निर्माता मणिराम पोखेरल हुन् । यो चलचित्रले एउटै गाउँका दुई फरक जातिका यूवा र यूवतीबीच प्रेम हुँदा दुई पक्षको पारिवारिक सम्बन्धमा पैदा हुने उचारचढाव र आफ्नो प्रेम सम्बन्ध सफल बनाउन उनीहरुले गर्ने संघर्षको कथा प्रस्तुत गर्नेछ । चलचित्रमा कालीप्रसाद बास्कोटा र चन्द्रकुमार दोङको संगीत रहेको छ भने पाश्र्व संगीत रोहित शाक्यको छ ।