६ बर्षदेखी लिभिङ टुगेदरमा छिन् ‘पुरानो डुङ्गा’ की मनमाया, भन्छिन्, ‘बिहे चाँडै हुन्छ’

नेपालमा गएको महाभूकम्पको बेला प्रदर्शनमा आएको चलचित्र ‘रेशम फिलिली’ मा ‘सुनिता’ को भुमिका निर्वाहा गरेपछि एकाएक चर्चामा आएकी नायिका मेनुका प्रधानले दर्जन बढी नेपाली चलचित्रमा काम गरिसकेकी छिन् । ‘रेशम फिलिली’ मा उनले बोलको संवाद ‘आँखा लाइस कि लात खाइस’ ले एकपटक राम्रै बजार पिटेको थियो । त्यसपछि उनले अभिनय गरेको चलचित्र ‘गाजलु’ गएको बर्ष बर्षमा आएको थियो र अहिले उनी अभिनित चलचित्र ‘पुरानो डुङ्गा’ प्रदर्शनरत छ । चलचित्र ‘पुरानो डुङ्गा’ मा उनले निर्वाहा गरेको ‘मनमाया’ को भुमिकालाई अहिले दर्शकहरुले राम्रै रुचाएका छन् ।अहिलेसम्म कुनै पनि स्क्याण्डलमा नफसकेकी मेनुका प्रधान ६ बर्षदेखी एक यूवकसँगको रिलेशनसिपमा छिन् । यति मात्र होइन, उनी काठमाडौंमा प्रेमीकै साथमा बस्न थालेको नै ६ बर्ष बढी भइसकेको छ । प्रेमीको नाम खुलाउन नचाहेकी मेनुकाले एक अन्तर्वार्तामार्फत आफु ६ बर्षदेखी लिभिङ टुगेदरमा रहेको बताएकी हुन् । उनले भनिन्, ‘उहाँ पनि नेपाली चलचित्र क्षेत्रको वरिपरिनै हुनुहुन्छ । हाम्रो भेट आज भन्दा ६ वर्ष पहिला काठमाडौंमा नाटक गर्ने क्रममानै भएको थियो । उहाँको सहयोगले मलाई अहिले कलाकारिताको क्षेत्रमा धेरै सहज भएको छ । सन् २०१० देखि हो मैले नाटक खेल्न सुरु गरेको । त्यो बेलादेखि नै हामी सँगै छौँ । अहिले मंसिरको समय विवाहको कुरा त भैरहन्छ । मेरो प्रेमीको घरबाट पनि विवाहको कुरा भैरहेको छ । मेरो घरबाट भने खासै विवाहको कुरा भएको छैन । हामीले कहिले विवाह गर्छौँ त्यो अहिले नै थाहा छैन ।’
६ वर्ष देखी लिभिङ टुगेदरमा रहेकी मेनुकाले केही बर्ष भित्रमा नै विवाह गर्ने पनि बताएकी छिन् ।