सलमानकी हिरोइनसँग ‘तक्मे बुढा’ गर्दैछन् रोमान्स, प्रत्येक सीनमा छुट्ने छैन ढाकाटोपी

 हास्यटेलिश्रृखला ‘मेरी बास्सै’ मा ‘तक्मे बुढा’ को भूमिका निर्वाहा गरेपछि रातारात चर्चित बनेका विल्सन विक्रम राई अहिले एक बलीउड चलचित्रको छायाँकनमा व्यस्त छन् । उनले अहिले बलीउड अभिनेत्री आयशा टाकियासँग स्क्रिन शेयर गरिरहेकी छिन् । सलमान खान स्टारर चलचित्र ‘वान्टेड’ मा ‘जान्हवी’ को भूमिका निर्वाहा गरेकी आयशासँग काम गर्न पाउँदा विल्सन विक्रम दंग परेका छन् । नाम खुलाउन नचाहिएको उक्त बलीउड चलचित्रको प्रत्येक दृश्यमा विल्सन विक्रमले नेपाली ढाकाटोपी लगाएर अभिनय गर्ने बताइएको छ । ‘सिनेखबर डटकम’ लाई प्राप्त केही तस्विरहरु पनि विल्सनले ढाकाटोपी लगाएको देख्न सकिन्छ । १५ सिनका लागि उक्त चलचित्रमा अनुबन्धित विल्सन सबै दृष्यमा आयषासँग प्रस्तुत हुनेछन् । महाराष्ट्रको पुना स्थित एक कोलोनीमा केही दिन देखि छायाँकनरत चलचित्रमा विल्सनले पहिलो पटक काम गर्न लागेका हुन । प्राप्त खबरका अनुसार, भारतबाट नेपालमा कन्र्सट गर्न आएको एक सांगितिक समुहका सदस्यले विल्सनको चर्चा सुनेपछि यो प्रोजेक्टका लागि सिफारिस गरेको थिए । यो चलचित्रमा आयशा र विल्सनसँगै मराठी नायिका सुप्रिया पिलजंकर, नील भुपालान, राजश्री देशपाण्डेलगायतका कलाकारको अभिनय रहेको छ ।