अर्जुन कपुरलाई लाग्छ यि अभिनेत्री ‘बेस्ट किसर’

आलिया भट्ट र अर्जुन कपुरले फिल्म ‘२ स्टेट्स’ मा सँगै काम गरेका थिए । उनीहरुको कामलाई दर्शकहरुले धेरै नै मन पराएका थिए । फिल्मले बक्स अफिसमा पनि राम्रो कमाइ गरेको थियो । अर्जुन कपुरले हालसम्म धेरै अभिनेत्रीहरुसँग काम गरिसकेका छन् । तर, अर्जुनलाई आलिया बेस्ट किसर लाग्छ । नेहा धुपियाको च्याट सोमा अर्जुनले यस कुराको खुलासा गरेका हुन् ।
जब उनलाई प्रश्न सोधिएको थियो परिणीति चोपडा, करीना कपुर खान, दीपिका पादुकोण र आलिया भट्टमा को बेस्ट किसर हुन्, एकजनाको नाम लिन भनिएको थियो । अर्जुन कपुरले आलियाको नाम लिएका थिए ।जब नेहाले यसबारे प्रश्न गरिन् तब अर्जुनले भने,‘पहिला मलाई लागेको थियो कि यी अभिनेत्रीसँग किसिङ सिन गर्न निकै कठिन हुनेछ । यो फिल्ममा काम गर्नु अघि हामी एकअर्कालाई चिन्दा पनि चिन्थेनौ । सुटिङको १० दिनभित्र हामीलाई किसिङ सिन गर्नु थियो भने शावर मुनी एउटा लब सिन पनि दिनु थियो । यस कारण पनि मलाई निकै असहज भइरहेको थियो ।’
३१ वर्षीय अभिनेता अर्जुन कपुरको फिल्म ‘मुबारक’ मा छिट्टै नै देखिदै छन् ।