‘लाल्टिन’ टीजर : निर्जनको बेडमा प्रियंका, दयाहाङ के गर्दैछन् ?

चैत १८ गतेबाट पोस्टपोन्ड भएर अर्को बर्षको जेठ २६ गतेबाट प्रदर्शनमा आउन लागेको चलचित्र ‘लाल्टिन’ को टीजर सार्वजनिक भएको छ । कलाकारहरुको भूमिकालाई सस्पेन्समा राखिएको टीजरको एक दृश्यमा भने नायिका प्रियंका कार्की नव-नायक निर्जन थापासँग बेडमा देखिएकी छिन् । यो दृश्यले दर्शकहरुलाई चलचित्र प्रति थप उत्सुकता थप्नेमा दुई मत छैन । यो चलचित्रलाई देव कुमार श्रेष्ठले निर्देशन गरेका हुन् । भानु प्रताप प्रस्तुतकर्ता रहेको यो चलचित्रलाई अनिम श्रेष्ठ र राज केसीले निर्माण गरेका हुन् । मनोज राजभण्डारी र दीपक श्रेष्ठ यसका सह-निर्माता हुन् । चलचित्रमा हरि लामाको छायांकन, अर्जुन जीसी र वनिश शाहको सम्पादन, भानु प्रताप र किरण माइकलको लेखन छ । रोशन श्रेष्ठको एक्सन रहेको चलचित्रमा कविराज गहतराज, दिकेश र भानुप्रतापले कोरियोग्राफी गरेका छन् ।
चलचित्रमा दयाहाङ र प्रियंकाको अलवा केकी अधिकारी, अर्जुन गुरुङ, रीया श्रेष्ठ, रामकेशर बोगटी, मेलिना मानन्धर लगायतका कलाकारको अभिनय छ । चलचित्रमा राज कटुवाल र निर्जन थापा नयाँ प्रस्तुतीको रुपमा देखिदैछन् । १ करोड माथिको बजेटमा तयार भएको भनेर दाबी गरिएको यो चलचित्रले एक्सन, कमेडी, रोमान्स, सामाजिक र क्राइमको बिषयलाई उठान गरेको छ ।