बर्षा ‘आउट’ डल्ली ‘इन’, ‘भुतनाथ’ निर्देशकको ‘मेरो पैसा खोइ’ फ्लोरमा

शाहरुख खान, अमिताभ बच्चन, जुही चावला स्टारर बलीउड चलचित्र ‘भुतनाथ’ निर्देशन गरेका बिबेक शर्माको नेपाली चलचित्र ‘मेरो पैसा खोइ’ को छायाँकन मंगलबारबाट सुरु भएको छ । केही दिन अगाडी चलचित्रकी लीड नायिका बर्षा सिवाकोटीले हात झिकेपछि उनको ठाउँमा छुल्ठिम गुरुङ (डल्ली) लाई भित्राउँदै निर्माणपक्षले छायाँकन आरम्भ गरेको हो । छुल्ठिमसँगै चलचित्रमा सौगात मल्ल, बर्षा राउत, सागर तिवारी, सम्पन्न श्रेष्ठ, कमलमणी नेपाल, बुद्धी तामाङ, प्रमोद अग्रहरी र रविन तामाङ लगायतका कलाकारहरुको मुख्य भूमिका रहेनछ । मंगलबार शुभमुहुर्त गर्दै बिबेक शर्माले निर्देशन गर्ने नेपाली चलचित्र ‘मेरो पैसा खोइ’ मा बलीउड कलाकार जुही चावला र राजपाल यादवको पनि विशेष भूमिका रहनेछ । चन्द्र पन्तको द्धन्द्ध निर्देशन रहने यो चलचित्रमा बसन्त सापकोटाको संगीत रहेको छ । चलचित्रलाई रोज राणाले निर्माण गर्न लागेका हुन ।