पूर्वमा यसरी हुँदैछ ‘ब्रासलेट’ को प्रमोशन, रमेशको कमब्याक हो फिल्म

भदौ १७ गते प्रदर्शनमा आउन लागेको नायक रमेश उप्रेती कमब्याक फिल्म ‘ब्रासलेट’ को प्रचार प्रसार अहिले पूर्वका विभिन्न जिल्लाहरुमा सुरु गरिएको छ । ‘लालजोडी’ सँग एकसाथ प्रदर्शनमा आउन लागेको यो चलचित्रको प्रचारमा नायक रमेश उप्रेती, निर्माता केशव भट्टराई र निर्देशक निर्मल शर्मासँगै निर्माता छविराज ओझा र नरेन्द्र महर्जन पनि देखिएका छन् । निर्माता केशव भट्टराईले केही दिन पूर्वका विभिन्न जिल्लाहरुमा चलचित्रको प्रचार गरेपछि काठमाडौं फर्किने जानकारी दिए । लामो समय अमेरिका बसाईपछि नेपाल फर्किएर ब्रासलेटमा काम गरेका रमेश उप्रेतीले पूर्वका विभिन्न सञ्चारमाध्यमहरुलाई दिएको अन्तर्वार्तामा आफ्नो लागि चलचित्र ब्रासलेट विशेष रहेको बताएका थिए । उनले चलचित्र ब्रासलेट नारी प्रधान रहेको पनि बताएका छन् । ट्रेलर र गीतबाट राम्रो प्रतिक्रिया पाइरहेको चलचित्र ब्रासलेट सामाजिक कथावस्तुमा आधारित भएका कारण दर्शकहरुले चलचित्र मन पराउने निर्देशक निर्मल शर्माले जानकारी दिए । चलचित्रमा रमेशका अलवा जनी केसी, नम्रता सापकोटा, नीर शाहको अभिनय रहेको छ।