आफ्नै फिल्ममा पति अक्षयलाई हिरो बनाउँदैछिन् ट्विङकल

अभिनय तथा लेखन कार्यमा सक्रिय अभिनेत्री ट्विङकल खन्नाले थोरै रकममा भारतका विभिन्न गाँउमा लोकल स्यानिटरी प्याडको प्रयोगलाई प्रोत्साहन गर्ने पद्मश्री अरुणचनलम मुरुगानाथमको कथामा फिल्म निर्माण गर्ने घोषणा गरेकी छिन् । उनले ट्विटर मार्फत ‘प्याड म्यान’ बनाउने बताएकी हुन्।
खन्नाले फिल्म निर्माण घोषणा गरेसँगै बलिउड दर्शकले अक्षय कुमारको अभिनय रहने अनुमान गरेका थिए । तर, निर्देशक आर बल्कीले फिल्ममा तामिल अभिनेता रहने बताएपछि अक्षय फ्यान निराश थिए। अक्षय कुमारले पनि उनी श्रीमतीको निर्माणमा बन्ने फिल्ममा अभिनय नगर्ने स्पष्ट पारे ।
अक्षयले भने, ‘मेरी श्रीमतीले मलाई घरभित्र नै धेरै माया गर्छिन्। उनी मलाई आफ्नो फिल्ममा चाहदिनन्। म पनि चाहन्छु ट्विङकल कमफर्ट जोन छोडेर घर बाहिर पनि निस्कोस्।’
केही भारतीय मिडियाहरुले भने तामिल अभिनेता फिल्म ‘प्याड म्यान’ मा रहने जनाएको थियो। तर, पुन : निर्देशक आर बल्कीले अक्षयले नै फिल्ममा मुख्य भूमिका निर्वाह गर्ने घोषणा गरेको हिन्दुस्तान टाइमसले जनाएको छ। बल्कीले भने, ‘अक्षयको फिल्म हो र अक्षय नै फिल्ममा देखिन्छ।’